Сургуулиа яагаад сонгосон бэ гэвэл интернет орчны сэтгэгдэлүүд их нөлөөлсөн
Би 2017 оны 11 сард суралцахаар Эквадороос ирсэн. "Хүнсний технологи, нийтийн хоолны зохион байгуулалт" мэргэжлээр магистраар сурах гэж байгаа. Сургуулийн маань ажилтнууд намайг Өмнөд Америкаас суралцаж байгаа анхны оюутан гэсэн. Сургуулиа яагаад сонгосон бэ гэвэл интернет орчны сэтгэгдэлүүд их нөлөөлсөн. Сургуулийн сурах, амьдрах орчин, оюутны баялаг, сонирхолтой амьдрал зэрэг нь их таалагдсан. Сургуульдаа ирэхэд хүлээлтийг минь үнэхээрийн давж чадлаа. Ирсэндээ их баяртай байна, хичээл хурдан эхлээсэй гэж л бодож байна!

Сургалт нь 2 жил 10 сарын хугацаанд явагддаг мөртлөө бакалаврын дипломтой төгсгөдөг
Би дунд сургуульдаа сурч байхдаа цаашид сурах их дээд сургуулиа судлаж эхэлсэн. Ээжийнхээ зөвлөснөөр эдийн засгийн сургууль сонгосон. Хүний нөөцийн удирдлагын чиглэлээр энэ сургуулийн тасралтгүй боловсролын институтэд сурах бодолтой байгаа. Сайтаас нь судлаж байгаад уг сургалт нь 2 жил 10 сарын хугацаанд явагддаг мөртлөө бакалварын дипломтой төгсгөдөг болохыг олж мэдсэн. Өнөөдрийн байдлаар тасралтгүй боловсролын институтэд 200 гаруй хүн бүртгүүлж, хүний нөөцөөс гадна хууль, менежмент, төрийн болон орон нутгийн удирдлага мэргэжлүүдээр бэлтгэдэг гэсэн. Надад их таалагдаж байгаа.

Төгссөн хүмүүс консалтингийн компаниуд, банк, хөрөнгө оруулалт болон даатгалын компаниудад ажилладаг юм байна лээ
Би Экваторын бүсийн Гвиней улсаас суралцаж байгаа. Уралын эдийн засгийн улсын их сургуулийн хэлний бэлтгэлд сурч байсан. Одоо харин "Нягтлан бодох бүртгэл ба аудит" мэргэжлээр суралцахаар бичиг баримтуудаа бүрдүүлээд байна. Надад энэ мэргэжил маш сонирхолтой санагдаж байгаа. Уг ангийг төгссөн хүмүүс консалтингийн компаниуд, банк, хөрөнгө оруулалт болон даатгалын компаниудад ажилладаг юм байна лээ. Тиймээс би энэхүү мэргэжлийн сонгосон.

олон төрлийн спорт секц, дугуйлангууд байдаг талаар мэдсэн, өөрийн фитнес клубтэй бас уулын авиралтын скалодромтой
Надад хүмүүнлэгийн чиглэлийн мэргэжлүүд ер нь таалагддаг. Тиймээс эдийн засгаар сурахаар төлөвлөөд байна. Миний бодлоор энэ бол хэзээд эрэлттэй мэргэжил, тэр тусмаа яг энэ чиглэлийн хамгийн сайн сургуульд нь сурч байгаа тохиолдолд. Төгсөөд магистраар мөн суралцая гэж бодож байна.
Би Новоуральск хотоос ирсэн учраас оюутны байранд амьдрах байх. Сургуулийнхаа талаар судлаж байхад энэ сургуульд олон төрлийн спорт секц, дугуйлангууд байдаг талаар мэдсэн, өөрийн фитнес клубтэй бас уулын авиралтын скалодромтой юм билээ. Энэ нь бас миний энэ сургуулийг сонгосон нэг том шалтгаан болсон доо.

Тус сургуулийн “Маркетинг” мэргэжлээр төгссөн оюутнуудын 85% нь сургуулиа төгсөөд шууд ажилд орж чаддаг.
Би Хятад улсаас ирсэн. Уралын эдийн засгийн улсын их сургуулийн орос хэлний бэлтгэл ангид суралцаж байгаад “Менежмент” чиглэлийн “Маркетинг” мэргэжлээр суралцахаар сонгоод байна.
Миний судалснаар маркетер гэдэг бол өнөө үед хөдөлмөрийн зах зээл дээр хамгийн их эрэлт хэрэгцээтэй мэргэжлүүдийн нэг болоод байна. Мөн тус сургуулийн “Маркетинг” мэргэжлээр төгссөн оюутнуудын 85% нь сургуулиа төгсөөд шууд ажилд орж чаддагийг мэдсэн. Энэ нь надад маш их таалагдаж байгаа.

Хамгийн гое, сонирхолтой нь Екатеринбург хот минь санагдаж энэ сургуулийг сонгохоор шийдсэн.
Би Иракаас ирсэн. Өмнө нь Уралын эдийн засгийн улсын их сургуулийн хэлний бэлтгэл ангид сурч байсан. Одоо “Мэдээлэл зүй ба компьютерийн инженерчлэл” мэргэжлээр суралцахаар элсээд байна. Иракт байхдаа би 12-р анги хүртлээ “Компьютер ба мэдээллийн технологи” чиглэлээр суралцаж байлаа.
Анх манай найз надад Оросод их сургуульд суралцах талаар санал болгож, түүнээс хойш би Орос орныг сонирхон, Челябинск, Уфа, Самара, Саратов, Воронеж, Москва, Санкт-Петербург гээд олон хотуудад очиж үзсэн. Тэгээд хамгийн гое, сонирхолтой нь Екатеринбург хот минь санагдаж энэ сургуулийг сонгохоор шийдсэн.

Нэг ч оюутныг анхаарлын гадна үлдээлгүй тайлбарлаж, ойлгуулж өгдөг нь биднийг сурлагын амжилтанд хүргэдэг.
Би сургуулийнхаа нийт ажилтан, багш нартаа баярлалаа гэж хэлмээр байна. Учир нь анх удаа Оросод ирэхэд надад таних мэдэх хүнгүй хэцүүхэн байлаа. Харин сургуулийн маань багш ажилтнууд надад бүх зүйл дээр чиглүүлж, хэлж өгч, зөвлөж туслаж байснаар сургууль болон орчиндоо дасан зохицоход их нэмэр болсон.

Манай курсын оюутнууд ч мөн их нөхөрсөг бас тусархаг, заримтай нь би их сайхан найзууд болсон. Иймд одоо бол надад гэртээ байгаа мэт л санагддаг. Түүнээс гадна багш нарын хичээлээ орж байгаа байдал надад их таалагддаг. Нэг ч оюутныг анхаарлын гадна үлдээлгүй тайлбарлаж, ойлгуулж өгдөг нь биднийг сурлагын амжилтанд хүргэдэг.

3 жилийн хугацаанд сурах явцад нэг ч удаа би сургуульдаа орсондоо харамсаж байгаагүй
Уралын эдийн засгийн улсын их сургуульд элсэн суралцахаас өмнө би өөр улсад амьдарч, сурч байсан. Харин энэ сургуулиа интернэтээр ихээхэн судалсны эцэст миний сурахыг хүсэж байсан сургууль мөн болохыг олж мэдэж энд ирсэн дээ.
Надад сургалтын арга барил нь их таалагддаг. Багш нар нь хичээл бүр дээр оюутнуудын анхаарлыг татах сонирхолтой байдлаар хичээлээ заадаг. Мөн хичээлээс гадна чөлөөт цагаа өнгөрөөх олон төрлийн секц дугуйлангууд байдаг. Хүн бүр өөрийн сонирхол, хоббины дагуу бужиг, дуу, зураг, спорт, харилцааны ур чадвар, гадаад хэл зэргээр хичээллэх боломжтой байдаг. 3 жилийн хугацаанд сурах явцад нэг ч удаа би сургуульдаа орсондоо харамсаж байгаагүй. Та бүгдэд ч гэсэн манай сургуульд элсэж, амжилттай суралцахыг хүсье!